قرأت موضوع الحقيقة عجبني وقلت ان شاء الله تستفيدوا وتفيدو غيركم ...
.............................. .................
في يوم من الأيام قابلت زميلتي (س . ع) وهي ترتديعباءة سوداء من القماش الثقيل وفضفاضه
تفاجئت في الوهلة الأولى لأني لماعهد زميلتي من قبل بهذا الأحترام...
فقدكانت تلبس العباءة المخصرة المطرزه التي توحي للناظر بأنها فستان..
وكانت تكشف وجهها مع اضافة بعض مساحيق التجميل الخفيفه بحيث تبدو طبيعيه
بعد حديث مطول بينيوبينها سألتني:
باين عليك انك مستغربة من عباتي لأن مو بالعاده البس كذا !!
اجبتها : بصراحه ايه بس ماحبيت اسألك
ابتسمت في وجهي قائله: الحمدلله الي هداني الى طريق الصح
والله يوفق ويصلح الي كان السبب
- أي سبب؟؟؟؟
اسمعي السالفة: في يوم كنت رايحه مع صديقتي السوق وكنت لابسه عباية ملونه ومطرزة وشك من فوق لتحت
والفه ( الغشوة) شفافه وتلمع وكنت كاشفة الوجه وحاطه لي كريم اساس وكحله وماسكره وروج وردي ناعم
وانا اتمشى بالمجمع لاحظت ان شاب قاعد يراقبني بنظراته ...وبعد
- تطور صار يلاحقني ،، طبعاً ماهتمينا فيه لأن احنا في مجمع ومايقدر يلمس شعره مني
- ايه وبعدين وش صار!!!!!
بعد ماوصلنا مكان شبه معزول بس كان فيه ناس وقفني وقال لي:
حرام عليك الي تسويه فيني .تبغيني ارتكب الحرام غصب
انا انصدمت من كلامه وقلت له: وش تقصد؟؟
قال:انتي موشايفه شكلك مو شايفه عبايتك مو شايفه مشيتك... والله حرام عليكم تلفتون انتباهنا وتخلونا نرتكب الحرام
بعدين رفع ايده للسما وقال:
يارب ضاعف لها العذاب ضعفين مثل ماعذبتني وعذبت غيري
وبعدها رجعت البيت وانا افكر في كلامه ... طول عمري اتزين واتمكيج ..
بس كنت اتوقع اني بحمل سيئات نفسي مو سيئات كل شخص الفت انتباهه.
يعني اذا لفت انتباه 100 شاب بكره يوم القيامه ربي بحاسبني عليهم اكثر مما يحاسبني على نفسي
وقعدت ابكي وابكي وابكي واستغفر ربي على جهلي وقررت اني التزم بعباية محترمه واغطي وجهي عسى الله ان يغفر لي ذنوبي
صديقاتي واخواتي لا تبالغي في زينة عبائتك فحتى لو كانت في نظرك عباءةخفيفة الألوان وزخرفة والتطريز لكن لا تضمنين نظرة الشباب لك...
فلا تجعلي عبائتك وحشمتك حجه عليك يوم القيامه
دعونا جميعاً نتمسك بالعباءة الاسلاميه ولنفتخر جميعنا بخلو عبائتنا من الألوان والزينه
عدد مشآرڪآتي
